Varun G J 
ಮುಂಬೈ: ಬಾಲಿವುಡ್ನ ಪ್ರಮುಖ ನಟಿ ಆಲಿಯಾ ಭಟ್(Alia Bhatt) ಇತ್ತೀಚೆಗೆ ತಮ್ಮ ವೀಡಿಯೊವೊಂದರಿಂದಾಗಿ ತೀವ್ರ ಟೀಕೆಗೆ ಒಳಗಾಗಿದ್ದಾರೆ. ಪಾಪರಾಜಿಗಳ ಮೇಲೆ ಆಲಿಯಾ(Alia Bhatt) ಕೋಪಗೊಂಡಿದ್ದು(Alia Bhatt paparazzi controversy), ಅವರ ವರ್ತನೆ ಹಿರಿಯ ನಟಿ ಜಯಾ ಬಚ್ಚನ್ ಅವರ ಸಿಡುಕಿನ ಸ್ವಭಾವಕ್ಕೆ ಹೋಲಿಸಲಾಗಿದೆ. ಸಾಮಾಜಿಕ ಜಾಲತಾಣಗಳಲ್ಲಿ ಈ ಕುರಿತು ಪರ-ವಿರೋಧ ಚರ್ಚೆಗಳು ನಡೆಯುತ್ತಿವೆ.
ಇದನ್ನೂ ಓದಿ: ಅಶ್ಲೀಲ ಸಿನಿಮಾದಲ್ಲಿ ನಟನೆ: ಆರೋಪದ ನಡುವೆಯೂ ಚುನಾವಣೆಯಲ್ಲಿ ಗೆದ್ದ ನಟಿ ಶ್ವೇತಾ ಮೆನನ್
ಆಲಿಯಾ ಭಟ್ ಪಾಪರಾಜಿ ವಿವಾದ
ಕಳೆದ ಕೆಲವು ದಿನಗಳಿಂದ ಪಿಕಲ್ಬಾಲ್ ಆಟದ ಅಭ್ಯಾಸದಲ್ಲಿ ತೊಡಗಿರುವ ಆಲಿಯಾ(Alia Bhatt) ಅದೇ ಉಡುಪಿನಲ್ಲಿ ತಮ್ಮ ಕಾರಿನಿಂದ ಇಳಿದು ಕಟ್ಟಡವೊಂದರ ಕಡೆಗೆ ಹೊರಟಿದ್ದರು. ಈ ಸಂದರ್ಭದಲ್ಲಿ, ಕೆಲವು ಪಾಪರಾಜಿಗಳು ಅವರನ್ನು ಹಿಂಬಾಲಿಸಿ ಕಟ್ಟಡದ ಗೇಟ್ನೊಳಗೆ ಪ್ರವೇಶಿಸಲು ಯತ್ನಿಸಿದರು. ಇದನ್ನು ಗಮನಿಸಿದ ಆಲಿಯಾ ತಕ್ಷಣವೇ ಗೇಟ್ ಬಳಿ ನಿಂತು ಕೋಪದಿಂದ ಪ್ರತಿಕ್ರಿಯಿಸಿದ್ದಾರೆ.
“ಗೇಟ್ ಒಳಗೆ ಬರಬೇಡಿ, ಇದು ನಿಮ್ಮ ಕಟ್ಟಡವಲ್ಲ. ದಯವಿಟ್ಟು ಹೊರಗೆ ಹೋಗಿ. ನೀವು ನನ್ನ ಮಾತು ಕೇಳುತ್ತಿಲ್ಲವೇ?” ಎಂದು ಅವರು ಜೋರಾಗಿ ಹೇಳಿದ್ದಾರೆ. ಆಲಿಯಾ ಅವರ ಅಸಮಾಧಾನ ಅವರ ಮುಖದಲ್ಲಿ ಸ್ಪಷ್ಟವಾಗಿ ಗೋಚರಿಸಿದ್ದು, ಈ ವೀಡಿಯೋ ಈಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
ಜಯಾ ಬಚ್ಚನ್ಗೆ ಹೋಲಿಕೆ
ಆಲಿಯಾ ಅವರ ಈ ವರ್ತನೆಯನ್ನು ನೋಡಿದ ಅನೇಕ ನೆಟ್ಟಿಗರು ಅವರನ್ನು ನಟಿ ಜಯಾ ಬಚ್ಚನ್ಗೆ ಹೋಲಿಸಿದ್ದಾರೆ. ಜಯಾ ಬಚ್ಚನ್(Jaya Bachhan) ಅವರು ಆಗಾಗ ಪಾಪರಾಜಿಗಳ ಮೇಲೆ ಸಿಡುಕುತ್ತಿರುವುದು ಮತ್ತು ಫೋಟೋ ತೆಗೆಯುವವರನ್ನು ಬೈಯುವುದು, ತಳ್ಳುವುದು ಸಾಮಾನ್ಯವಾಗಿದೆ. ಈ ಹಿನ್ನೆಲೆಯಲ್ಲಿ, “ಇವರು ಮತ್ತೊಬ್ಬ ಜಯಾ ಬಚ್ಚನ್” ಎಂದು ನೆಟ್ಟಿಗರು ಆಲಿಯಾರನ್ನು ಟ್ರೋಲ್ ಮಾಡಿದ್ದಾರೆ.
ಆದರೆ, ಕೆಲವು ಆಲಿಯಾ ಅಭಿಮಾನಿಗಳು ಅವರ ಪರವಾಗಿ ನಿಂತಿದ್ದಾರೆ. “ಅವರು ತಮ್ಮ ಗೌಪ್ಯತೆಯನ್ನು ರಕ್ಷಿಸಿಕೊಳ್ಳಲು ಪ್ರಯತ್ನಿಸುತ್ತಿದ್ದಾರೆ. ಪಾಪರಾಜಿಗಳು ಖಾಸಗಿ ಜಾಗಕ್ಕೆ ಪ್ರವೇಶಿಸುವುದು ಸರಿಯಲ್ಲ. ಆಲಿಯಾ ತಾಳ್ಮೆಯಿಂದಲೇ ವಿಷಯವನ್ನು ವಿವರಿಸಿದ್ದಾರೆ, ಯಾವುದೇ ತಪ್ಪು ಮಾಡಿಲ್ಲ” ಎಂದು ಅವರ ಅಭಿಮಾನಿಗಳು ಸಮರ್ಥಿಸಿಕೊಂಡಿದ್ದಾರೆ.
ಇದನ್ನೂ ಓದಿ: ಮುಸ್ಲಿಂ ಮಹಿಳೆಯರ ವಿರುದ್ಧ ಅವಹೇಳನಕಾರಿ ಹೇಳಿಕೆ: ಯತ್ನಾಳ್ ವಿರುದ್ಧ ಕಾನೂನು ಕ್ರಮ- M B Patil
ಆಲಿಯಾ ಭಟ್ ಅವರ ಮುಂದಿನ ಯೋಜನೆಗಳು
ವೃತ್ತಿಪರ ವಿಚಾರಕ್ಕೆ ಬಂದರೆ, ಆಲಿಯಾ ಭಟ್(Alia Bhatt) ಶೀಘ್ರದಲ್ಲೇ ‘ಆಲ್ಫಾ’ ಎಂಬ ಥ್ರಿಲ್ಲರ್ ಚಿತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಇದು ‘ವಾರ್’ ಮತ್ತು ‘ಪಠಾಣ್’ ನಂತಹ ಆಕ್ಷನ್ ಚಿತ್ರಗಳಂತೆಯೇ ಇರಲಿದೆ ಎಂದು ಹೇಳಲಾಗಿದೆ. ಇದಲ್ಲದೆ, ಸಂಜಯ್ ಲೀಲಾ ಬನ್ಸಾಲಿ ನಿರ್ದೇಶನದ ‘ಲವ್ ಆ್ಯಂಡ್ ವಾರ್’ ಚಿತ್ರದಲ್ಲೂ ಅವರು ನಟಿಸಲಿದ್ದಾರೆ. ಈ ಚಿತ್ರದಲ್ಲಿ ಅವರು ತಮ್ಮ ಪತಿ ರಣಬೀರ್ ಕಪೂರ್ ಮತ್ತು ನಟ ವಿಕ್ಕಿ ಕೌಶಲ್ ಅವರೊಂದಿಗೆ ತೆರೆ ಹಂಚಿಕೊಳ್ಳಲಿದ್ದಾರೆ.
About The Author
Suddhi Sampada 
arathipatrame 
